அகில இலங்கை சைவப்புலவர் பரீட்சை வெள்ளியன்று ஆரம்பம்

அகில இலங்கை சைவப்புலவர் சங்கத்தால் வருடாந்தம் நடத்தப்படும் இளம் சைவப்புலவர், சைவப்புலவர் பரீட்சைகள், 22ஆம் திகதி வெள்ளிக்கிழமை ஆரம்பமாகவுள்ளதாக அகில இலங்கை சைவப்புலவர் சங்கத்தலைவர் சைவப்புலவர் மு.திருஞானசம்பந்தபிள்ளை, செவ்வாய்க்கிழமை (19) தெரிவித்தார்.

'பரீட்சைகள் யாழ்ப்பாணம் வண்ணை நாவலர் மகா வித்தியாலயம், கொழும்பு பம்பலப்பிட்டி இந்துக்கல்லூரி, மட்டக்களப்பு ஆசிரியர் பயிற்சிக் கலாசாலை மற்றும் லண்டன் ஆகிய இடங்களில் நடைபெறவுள்ளன.

சைவப்புலவர் பரீட்சைக்கு யாழ்ப்பாணத்தில் இருந்து 21 பரீட்சாத்திகளும், மட்டக்களப்பில் 16 பரீட்சாத்திகளும், கொழும்பில் 07 பரீட்சாரத்திகளும், லண்டனில் 05 பரீட்சாதிகளும் தோற்றுகின்றனர்.

இளம் சைவப்புலவர் பரீட்சைக்கு யாழ்ப்பாணத்தில் 51 பரீட்சார்த்திகளும், மட்டக்களப்பில் 39 பரீட்சாத்;திகளும், லண்டனில் 02 பரீட்சாத்திகளும் தோற்றுகின்றனர்.

22 ஆம் திகதி வெள்ளிக்கிழமை இலக்கியம், சரித்திரம் ஆகிய பாடங்களும், 23 ஆம் திகதி சனிக்கிழமை வரலாறு, உரைநடை ஆகிய பாடங்களும், 24ஆம் திகதி ஞாயிற்றுக்கிழமை இலக்கண பாடநெறிக்கான பரீட்சையும் இடம்பெறவுள்ளது.

பரீட்சார்த்திகள், தேர்வு மண்டபத்துக்கு வரும் போது ஆள் அடையாளஅட்டை மற்றும் பரீட்சை அனுமதி அட்டையுடன் சமூகம் தரவேண்டும்' என அவர் மேலும் கூறினார்.