‘அரசாங்கத்துக்கு எதிராக பேசி தமிழர்களின் அபிவிருத்தித் தடுக்கப்பட்டுள்ளது’

-என்.ராஜ்

தமிழ் மக்கள் சிந்தித்து வாக்களிக்க வேண்டிய தருணம் தற்போது எழுந்திருப்பதாகத் தெரிவித்த வடக்கு மாகாண முன்னாள் ஆளுநர் ரெஜினோல்ட் குரே, அரசாங்கத்துக்கு எதிராக தமிழ்த் தலைவர்கள் பேசிப் பேசி தமிழ் மக்களின் அபிவிருத்தியை தடுத்ததாகக் குற்றஞ்சாட்டினார்.

அத்தடன், முஸ்லிம் தலைவர்கள் அரசாங்கத்துடன் இணைந்துகொண்டு தமது சமுதாயத்தை அபிவிருத்தி செய்திருப்பதாகவும், அவர் மேலும் கூறினார்.

ஜனாதிபதி வேட்பாளர் கோட்டபாய ராஜபக்‌ஷவுக்கு ஆதரவு கோரி, வடமராட்சி - கொற்றாவத்தை பகுதியில், நேற்று (21) இரவு நடைபெற்ற தேர்தல் பிரசாரத்தின் போதே, அவர் மேற்கண்டவாறு தெரிவித்தார்.