அலையில் சிக்கிய மீனவர் உயிரிழப்பு

வடமராட்சி கிழக்கு கடற்பரப்பில் மீன்பிடியில் ஈடுபட்டிருந்த மீனவர் ஒருவர் அலையில் இழுத்துச் செல்லப்பட்டு உயிரிழந்துள்ளார்.

வடமராட்சி கிழக்கு தாளையடியைச் சேர்ந்த அருளானந்தம் யோண்சன் அருள்தாஸ்  (ராஜன்) என்பவரே இவ்வாறு நேற்று (23) உயிரிழந்தார்.

இவர் மூன்று பிள்ளைகளின் தந்தையென பொலிஸாரின் விசாரணைகளில் இருந்து தெரியவந்துள்ளது.

மீன்பிடியில் ஈடுபட்டிருந்த போது, கடல் அலை இழுத்து சென்றது. அங்கிருந்தவர்களால் அவர் காப்பாற்றப்பட்டு மருதங்கேணி பிரதேச வைத்தியசாலையில் சேர்க்கப்பட்டார்.

பின்னர் அங்கிருந்து மேலதிக சிகிச்சைக்காக யாழ்ப்பாணம் போதனா வைத்தியசாலைக்கு மாற்றப்பட்ட போதும், அவர் சிகிச்சை பயனின்றி உயிரிழந்துள்ளார் என பொலிஸார் தெரிவித்தனர்.