ஆடுகளை கடத்தியவர் கைதானார்

அச்சுவேலி பகுதியில் இருந்து, அனுமதிப் பத்திரம் இன்றி, மோட்டார் சைக்கிளில் ஆடுகள் மூன்றைக் கொண்டு சென்ற இறைச்சி வியாபாரியை நேற்று  (09) மாலை கைது செய்துள்ளதாக அச்சுவேலி பொலிஸார் தெரிவித்தனர். கைதானவர் அராலி வீதி பொம்மைவெளி பிரதேசத்தைச் சேர்ந்தவர் என தெரிவிக்கப்பட்டுள்ளது.

அனுமதிபத்திரம் இன்றி ஆடுகள் கொண்டு செல்வதாக, அச்சுவேலி பொலிஸாருக்கு கிடைத்த இரகசிய தகவலுக்கு அமைய புத்தூர் கலைமதிப் பகுதியில் வைத்து குறித்த நபரை பொலிஸார் கைது செய்துள்ளனர். மேற்படி நபர் அனுமதிபத்திரம் இன்றி மூன்று ஆடுகளையும் பெட்டி ஒன்றில் சித்திரவதை செய்து எடுத்து சென்றுள்ளார்.