இடமாற்றம் பெற்ற பொலிஸ் உத்தியோகத்தர்களுக்கு கருத்தரங்கு

-செல்வநாயகம் கபிலன்

இவ்வருட முற்பகுதியில் புதிதாக இடமாற்றம் பெற்ற பொலிஸ் உத்தியோகத்தர்களுக்கான கருத்தரங்கு, நேற்று வியாழக்கிழமை (28) தெல்லிப்பழை பிரதேச செயலகத்தில் இடம்பெற்றது.

காங்கேசன்துறை பொலிஸ் பிராந்தியத்துக்கு உட்பட்ட 8 பொலிஸ் நிலையங்களில் கடமையாற்ற நியமனம் பெற்ற பொலிஸ் உத்தியோகத்தர்களுக்கே இக்கருத்தரங்கு இடம்பெற்றது.

காங்கேசன்துறை பொலிஸ் அத்தியட்சகர் எம்.ஏ.றஞ்சித் மாசிங்க தலையில் நடைபெற்ற இந்நிகழ்வில் அனைத்து பொலிஸ் நிலைய பொறுப்பதிகாரிகள் மற்றும் புதிதாக இடமாற்றம் பெற்று வந்த உத்தியோகத்தர்களும் கலந்துகொண்டனர்.

பொலிஸார் கடமையாற்ற வேண்டிய விதம் பற்றி இதன்போது புதிதாக இடமாற்றம் பெற்று வந்த உத்தியோகத்தர்களுக்கு அறிவுரை வழங்கப்பட்டது.