இந்திய மீனவர்களுக்கு விளக்கமறியல்

- சொர்ணகுமார் சொரூபன்

இலங்கை கடற்பரப்புக்குள் அத்துமீறி நுழைந்து மீன்பிடியில் ஈடுபட்டனர் என்ற குற்றச்சாட்டில் பருத்தித்துறைக்கு அண்மிய கடற்பகுதியில் செவ்வாய்க்கிழமை (22) அதிகாலை கைது செய்யப்பட்ட 15 இந்திய மீனவர்களையும் எதிரிவரும் ஒக்டோபர் மாதம் 6ஆம் திகதி வரை விளக்கமறியலில் வைக்குமாறு பருத்தித்துறை நீதவான் நீதிமன்ற நீதவான் மா.கணேசராசா, செவ்வாய்க்கிழமை (22) உத்தரவிட்டார்.

2 படகுகளில் மீன்பிடியில் ஈடுபட்ட இந்த மீனவர்கள் கடற்படையினரால் கைது செய்யப்பட்டு நீரியல் வளத்துறைத் திணைக்கள அதிகாரிகளிடம் ஒப்படைக்கப்பட்டனர்.

அதிகாரிகள் இந்த மீனவர்களை செவ்வாய்க்கிழமை (22) இரவு நீதவான் முன்னிலையில் ஆஜர்ப்படுத்தினர்.