இந்திய மீனவர்கள் நால்வருக்கு விளக்கமறியல்

-செல்வநாயகம் கபிலன்

இலங்கை கடற்பரப்புக்குள் அத்துமீறி நுழைந்து மீன்பிடியில் ஈடுபட்ட குற்றச்சாட்டில் கைது செய்யப்பட்ட 4 இந்திய மீனவர்களையும் எதிர்வரும் 19ஆம் திகதி வரை விளக்கமறியலில் வைக்குமாறு, ஊர்காவற்றுறை நீதிவான் நீதிமன்ற நீதிபதி ஏம்.எம்.எம்.றியால், செவ்வாய்க்கிழமை (05) உத்தரவிட்டார்.

இந்தியா, இராமேஸ்வரம் பகுதியிருந்து விசைப்படகு ஒன்றில் வந்த குறித்த 4 இந்திய மீனவர்களும் நெடுந்தீவுக்கு அண்மிய கடற்பரப்பில் மீன்பிடியில் ஈடுபட்டுக்கொண்டிருந்தபோது, செவ்வாய்க்கிழமை (05) அதிகாலை இலங்கை கடற்படையினரால் கைது செய்யப்பட்டு, யாழ்ப்பாணம் கடற்றொழில் நீரியல் வளத்துறைத் திணைக்கள அதிகாரிகளிடம் ஒப்படைக்கப்பட்டனர்.

கைது செய்யப்பட்ட 4 இந்திய மீனவர்களையும் ஊர்காவற்றுறை நீதிவான் நீதிமன்ற நீதிபதி ஏம்.எம்.எம்.றியால் முன்னிலையில் ஆஜர்படுத்தியபோதே இவ்வாறு உத்தரவு பிறப்பிக்கப்பட்டது.