இந்திய மீனவர்கள் 11 பேர் கைது

செல்வநாயகம் கபிலன்

இலங்கைக் கடற்பரப்பினுள் அத்துமீறி மீன்பிடித்த குற்றச்சாட்டில், இந்திய மீனவர்கள் 11 பேரை, நெடுந்தீவு கடற்பரப்பில் வைத்து கைதுசெய்துள்ளதாக கடற்படை ஊடகப்பேச்சாளர் கெப்டன் அக்ரம் அலவி தெரிவித்தார்.

நெடுந்தீவுக்கு தென்மேற்கே 5 கடல் மைல் தொலைவில் வைத்து, ரோந்து சென்ற காரைநகர் கடற்படையினர், சனிக்கிழமை (19) மாலை இவர்களை கைது செய்துள்ளதாக அவர் மேலும் குறிப்பிட்டார்.

கைதான மீனவர்களும் அவர்களின் படகுகள் இரண்டும் காங்கேசன்துறை கடற்படைதளத்துக்குக் கொண்டு வரப்பட்டுள்ளன.

அத்துடன், குறித்த மீனவர்களை யாழ். மாவட்ட கடற்றொழில் நீரியல்வளத்துறை அதிகாரிகளிடம் ஒப்படைத்துள்ளதாக அவர் குறிப்பிட்டார்.