உடைந்த போத்தல் துண்டுகளால் குத்தி இளைஞன் காயம்; சந்தேகநபர் கைது

- செல்வநாயகம் கபிலன்

பண்டத்தரிப்பு பகுதியில் இடம்பெற்ற மோதல் சம்பவத்தில் இளைஞர் ஒருவரை உடைந்த போத்தல் துண்டுகளால் குத்திக் காயம் ஏற்படுத்திய நபரை, இன்று வியாழக்கிழமை (21) கைதுசெய்துள்ளதாக இளவாலை குற்றத்தடுப்புப் பொலிஸார் தெரிவித்தனர்.

கடந்த 17ஆம் திகதி இரு தரப்பினருக்கு இடையில் ஏற்பட்ட சிறு பிரச்சினை போத்தல் குத்தில் முடிவடைந்தது.

இந்த மோதலில், ஈஸ்வரன் ரகு (வயது 27) என்ற இளைஞன் படுகாயங்களுக்கு உள்ளாகி யாழ். போதனா வைத்தியசாலையில் சிகிச்சை பெற்று வருகின்றார்.

சம்பவம் தொடர்பில் வழக்குப் பதிவு செய்த இளவாலைப் பொலிஸார், பண்டத்தரிப்பு கலட்டிப் பகுதியைச் சேர்ந்த 42 வயதுடைய சந்தேகநபரைக் கைதுசெய்துள்ளனர்.

விசாரணையின் பின் மல்லாகம் நீதிவான் நீதிமன்றில் சந்தேகநபரை ஆஜர்படுத்தவுள்ளதாகப் பொலிஸார் தெரிவித்தனர்.