உணவகம் அடித்துடைப்பு; உரிமையாளர் மீது வாள் வெட்டு முயற்சி

- எம்.றொசாந்த்

பலாலி வீதி, கோண்டாவில் சந்தியிலுள்ள உணவகம் ஒன்றின் மீது இனந்தெரியாத கும்பலொன்று, திங்கட்கிழமை (31) இரவு தாக்குதல் மேற்கொண்டுள்ளது.

முகத்தைத் துணியால் கட்டியபடி மோட்டார் சைக்கிளில் வந்த கும்பலொன்று, உணவக உரிமையாளரை வாளால் வெட்ட முனைந்த போது, அங்கிருந்த கட்டையால் வாள் வெட்டைத் தடுத்த உரிமையாளர்கள், அதன் பிறகு அங்கிருந்து தப்பிச் சென்றார்.

இதனையடுத்து, கடையின் கண்ணாடி அலுமாரி, கதவுகள் என்பவற்றை வாளால் வெட்டியும், அடித்து உடைத்தும் அந்தக் கும்பல் சேதம் விளைவித்தது.

அதன் பின்னர் அந்தக் கும்பல் அங்கிருந்து சென்றுள்ளது.

இது தொடர்பான விசாரணைகளை கோப்பாய் பொலிஸார் மேற்கொண்டு வருகின்றனர்.