உருக்குலைந்த நிலையில் வயோதிபரின் சடலம் மீட்பு

-செல்வநாயகம் கபிலன்

சங்குசுட்டிச் சந்தியிலுள்ள பற்றைக்காடு ஒன்றிலிருந்து உருக்குலைந்த நிலையில், வயோதிபரின்  சடலமொன்று செவ்வாய்க்கிழமை (06) மீட்கப்பட்டுள்ளதாக தெல்லிப்பளை பொலிஸ் நிலைய பொறுப்பதிகாரி யூ.எல்.டி.எஸ்.பிரியந்த தெரிவித்தார்.

இளவாலை பகுதியைச் சேர்ந்த கனகசபை பொன்னம்பலம் (வயது 86) என்பவரே இவ்வாறு சடலமாக மீட்கப்பட்டார்.

குறித்த  வயோதிபர் கடந்த 01ஆம் திகதியிலிருந்து காணாமல் போயிருந்த நிலையில், செவ்வாய்க்கிழமை(06) சடலமாக மீட்கப்பட்டுள்ளார்.

சடலம் தற்போது யாழ். போதனா வைத்தியசாலையின் பிரதே அறையில் வைக்கப்பட்டுள்ளது.

மேலதிக விசாரணைகளை இளவாலை,மற்றும் தெல்லிப்பளை பொலிஸார் மேற்கொண்டு வருகின்றனர்.