எட்டு இந்திய மீனவர்கள் கைது

இலங்கை கடற்பரப்பில் அத்துமீறி நுழைந்து மீன்பிடியில் ஈடுபட்ட 8 இந்திய மீனவர்கள், இலங்கை கடற்படையால் இன்று (31) அதிகாலை கைது செய்யப்பட்டுள்ளனர். 

இலங்கை கடற்பரப்பில், நேற்று (30) இரவு அத்துமீறி நுழைந்து, நெடுந்தீவு கடற்பரப்பில் மீன்பிடியில் ஈடுபட்டுக்கொண்டிருந்த போதே குறித்த மீனவர்கள் கைதுசெய்யப்பட்டுள்ளனர். 

இதன்போது, அவர்கள் பயணம் செய்த 2 படகுகளையும் கடற்படையினர் கைப்பற்றினர். 

குறித்த மீனவர்கள் கடற்படையின் விசாரணையின் பின்னர் யாழ். மாவட்ட கடற்தொழில் நீரியல் வளத்துறை அதிகாரிகளிடம் ஒப்படைக்கப்பட்டனர். 

இதேவேளை, இலங்கை கடற்பரப்பினுள் அத்துமீறி நுழைந்து மீன்பிடியில் ஈடுபட்டதாக, இலங்கை கடற்படையினாரல் இந்த வருடம் கைது செய்யப்பட்டு சிறையில் அடைக்கப்பட்டிருந்த 80 இந்திய மீனவர்களில், 76 மீனவர்களை விடுதலை செய்யுமாறு சட்ட மா அதிபார் திணைக்களத்தில் இருந்து அறிவித்தல் வழங்கப்பட்டுள்ளமை குறிப்பிடத்தக்கது.