கொக்குவிலில் ஐயர் வீட்டிலும் கொள்ளை

-சொர்ணகுமார் சொரூபன்

கொக்குவில் கிருபாகரசுவாமி (புதுக்கோவில்) ஆலயத்துக்கு அருகிலுள்ள வீடொன்றுக்குள் வியாழக்கிழமை (17) அதிகாலை, 6 ½ பவுண் நகைகள், 40 ஆயிரம் ரூபாய் பணம் என்பன திருடப்பட்டுள்ளதாக முறைப்பாடு பதிவு செய்துள்ளதாக யாழ்;ப்பாணப் பொலிஸார் தெரிவித்தனர்.

வீட்டிலிருந்தவர்கள் உறங்கிக் கொண்டிருந்த தருணத்தில் வீட்டுக்குள் நுழைந்து அலுமாரியில் வைக்கப்பட்டிருந்த நகைகள் திருடப்பட்டுள்ளன. திருடப்பட்ட நகைகள் 2 இலட்சத்து 60 ஆயிரம் ரூபாய் பெறுமதியுடையவை.

முறைப்பாட்டின் பிரகாரம் விசாரணைகள் மேற்கொண்டு வருவதாக பொலிஸார் தெரிவித்தனர்.