கிணற்றிலிருந்து கைக்குண்டு, துப்பாக்கி பாகம் மீட்பு

-நா.நவரத்தினராசா

வலிகாமம் கிழக்கு (கோப்பாய்) பிரதேச செயலாளர் பிரிவுக்குட்பட்ட அச்செழு இந்து மயான கிணற்றிலிருந்து கைக்குண்டு ஒன்றும் துப்பாக்கியின் பாகம் ஒன்றும் திங்கட்கிழமை (14) மீட்கப்பட்டுள்ளதாக கோப்பாய் பொலிஸார் தெரிவித்தனர்.

கிராமத்துக்கு ஒரு மில்லியன் ரூபாய் அபிவிருத்தித் திட்டத்தின் கீழ் அச்செழு இந்து மயானம் துப்புரவு செய்யும் பணி மேற்கொள்ளப்பபட்டு வந்தது. திங்கட்கிழமை மயானக் கிணற்றை துப்பரவு செய்யும் போது, மேற்படி ஆயுதங்கள் கண்டுபிடிக்கப்பட்டன.

இதுதொடர்பில் பொதுமக்கள் கிராமஅலுவலர் ஊடாக பொலிஸாருக்கு தெரியப்படுத்தியதுடன், பொலிஸார் இராணுவத்தினருடன் சென்று அந்தக் குண்டை மீட்டனர்.