கிணற்றிலிருந்து மிதிவெடிகள் மீட்பு

- செல்வநாயகம் கபிலன்

அண்மையில் மீள்குடியேற அனுமதிக்கப்பட்ட பலாலி தெற்கு வசாவிளான் பகுதியிலுள்ள கிணறு ஒன்றிலிருந்து 3 ஜொனி ரக மிதிவெடிகள், நேற்று செவ்வாய்க்கிழமை (29) மீட்கப்பட்டதாக அச்சுவேலிப் பொலிஸார் தெரிவித்தனர்.

மேற்படி கிணற்றை துப்பரவு செய்யும் போது, சேற்றில் புதையுண்ட நிலையில் இந்த 3 மிதிவெடிகளும் இனங்காணப்பட்டு, அருகிலுள்ள இராணுவ முகாமுக்கு தகவல் கொடுக்கப்பட்டது. 

சம்பவ இடத்துக்குச் சென்ற பொலிஸாரும் இராணுவத்தினரும் வெடிபொருட்களை மீட்டுள்ளனர்.