கிளி பிடிக்க முற்பட்டவரை பாம்பு தீண்டியது

-   நா.நவரத்தினராசா

யாழ். சுன்னாகம் ஐயனார் கோவில் பகுதியிலுள்ள தென்னை மரமொன்றில் ஏறி கிளியைப் பிடிப்பதற்கு  முற்பட்ட பாடசாலை மாணவனை இன்று திங்கட்கிழமை (05) நாகபாம்பு தீண்டியுள்ள நிலையில் வைத்தியசாலையில் அனுமதிக்கப்பட்டுள்ளதாக  தெல்லிப்பழை ஆதார வைத்தியசாலைத் தகவல்கள் தெரிவிக்கின்றன.

மல்லாகம் மகா வித்தியாலத்தில் தரம் -10 இல் கற்கும் மாணவனான ரவி மோகனதாஸ் (வயது 15) என்ற மாணவனுக்கே பாம்பு தீண்டியுள்ளது.

தென்னை மரத்தில் ஏறி மரத்திலிருந்த பொந்துக்குள் கைவிட்டபோது, அதற்குள் இருந்த பாம்பு மாணவனைத் தீண்டியுள்ளது. ஏதோ கடித்துவிட்டது என்ற நினைப்பில் மாணவன் அதனை அலட்டிக்கொள்ளவில்லை. மாணவனின் கை வீக்கமடைந்த பின்னரே பாம்பு தீண்டியமை பெற்றோருக்குத் தெரியவந்ததையடுத்து, வைத்தியசாலையில் மாணவனை அனுமதித்தனர்.
.