கடுகதி ரயிலில் மோதிய இராணுவ ட்ரக்

-செல்வநாயகம் கபிலன், கி.பகவான்

யாழ்ப்பாணத்திலிருந்து கொழும்பு நோக்கி சென்ற கடுகதி ரயிலில், சங்கத்தானை பகுதியில்  வைத்து இராணுவத்தினரின் ட்ரக் வாகனம் இன்று பிற்பகல் மோதி விபத்துக்குள்ளானது.

இதன்போது எவருக்கும் உயிர்ச்சேதங்கள் ஏற்படவில்லை. காயமடைந்த வாகனச் சாரதியான பீ.எம்.ஜெயசிங்க (வயது 24), சாவகச்சேரி வைத்தியசாலையில் அனுமதிக்கப்பட்டு மேலதிக சிகிச்சைக்காக யாழ். போதனா வைத்தியசாலைக்கு மாற்றப்பட்டுள்ளார்.

பாதுகாப்பற்ற ரயில் கடவையிலேயே இந்த விபத்து இடம்பெற்றுள்ளது. மேலதிக விசாரணைகளை பொலிஸார் மேற்கொண்டு வருகின்றனர்.