கட்டட பணியிலீடுபட்டவர் மரணம்

-செல்வநாயகம் கபிலன்

இளவாலை சிறுவிளான் பகுதியில் ஞாயிற்றுக்கிழமை (20), கட்டடப் பணியில் ஈடுபட்டிருந்த இளைஞன் ஒருவர் தவறி கீழே விழுந்து உயிரிழந்துள்ளதாக இளவாலைப் பொலிஸார் தெரிவித்தனர்.

மஹியங்கனை, மகேஅல பகுதியைச் சேர்ந்த சாணக்க பிரதீப் ரணதுங்க (வயது 21) என்பவரே இவ்வாறு உயிரிழந்துள்ளார்.

இளவாலை பொலிஸ் நிலையத்துக்கான கட்டடப் பணிகள் சிறுவிளான் பகுதியில் மேற்கொள்ளப்பட்டு வருகின்றன. இந்நிலையில், முகடு அமைக்கும் பணியில் ஈடுபட்டிருந்த குறித்த நபர் தவறி கீழே வீழ்ந்து உயிரிழந்துள்ளார்.