கடலாமைகளுடன் கைது செய்யப்பட்டவருக்கு அபராதம்

-   செல்வநாயகம் கபிலன்

மாதகல், குசுமன்துறைப் பகுதியில் வீடொன்றில் இரண்டு கடலாமைகளை வைத்திருந்த நிலையில் கைதுசெய்யப்பட்ட நபருக்கு, 20 ஆயிரம் ரூபாய் அபராதம் விதித்து, மல்லாகம் நீதவான் நீதிமன்ற மேலதிக நீதவான் ரீ.கருணாகரன், இன்று வியாழக்கிழமை (06) தீர்ப்பளித்தார்.

அத்துடன், மீட்கப்பட்ட ஆமைகளை யாழ்ப்பாணம் கடற்றொழில் நீரியல் வளத்துறை அதிகாரிகளின் உதவியுடன் ஆழ்கடலில் விடுமாறு நீதிவான் பணித்தார்.

சந்தேகநபர், ஆமைகளை இறைச்சியாக்குவதாகக் கிடைத்த தகவலின் அடிப்படையில் அங்கு சென்ற இளவாலைப் பொலிஸார், சந்தேகநபரைக் கைதுசெய்து, சுமார் 2 அடி நீளமும், 3 அடி அகலமும் இரண்டு ஆமைகளை உயிருடன் மீட்டனர்.