கடலில் வீழ்ந்து மீனவர் பலி

-செல்வநாயகம் கபிலன்

படகில் இருந்து தவறி கடலுக்குள் வீழ்ந்த மீனவரின் சடலம், இன்று புதன்கிழமை (27) கரையொதுங்கியுள்ளதாக யாழ்ப்பாணப் பொலிஸார் தெரிவித்தனர்.

குருநகரைச் சேர்ந்த றொபேர்ட் அல்பன் (வயது 38) என்ற மீனவரே சடலமாக மீட்கப்பட்டார்.

குறித்த மீனவர், செவ்வாய்கிழமை (26) மீன்பிடிக்க கடலுக்குச் சென்ற போது, படகிலிருந்து தவறி கடலுக்குள் வீழ்ந்துள்ளார்.

மற்றைய மீனவர்கள் இவரைக் கடலில் தேடியபோதும் அவர் கிடைக்கவில்லை.

இந்நிலையில் இன்று இவரது சடலம் கரையொதுங்கியுள்ளது.

மேலதிக விசாரணைகளை யாழ்ப்பாணப் பொலிஸார் மேற்கொண்டு வருகின்றனர்.