கடலட்டை பிடிக்க விண்ணப்பிக்க முடியும்

-செல்வநாயகம் கபிலன்

கடலட்டை பிடியில் ஈடுபட விரும்பும் மீனவர்கள் விண்ணப்பங்களை யாழ். மாவட்ட நீரியல் வளத்துறை அலுவலகத்தில் பெற்றுக்கொள்ள முடியும் என யாழ்ப்பாணம் கடற்றொழில் நீரியல் வளத்துறைத் திணைக்கள உதவிப் பணிப்பாளர் பா.ரமேஸ்கண்ணா தெரிவித்தார்.

மீனவர்கள் மீன்பிடியில் ஈடுபடும்போது, தவறுதலாக மீனவர்களின் வலைகளில் கடலட்டைகளும் சேர்ந்து வருகின்றன. இவற்றை படகினுள் சேர்த்து வைத்திருக்கும்போது, சட்டவிரோதமான முறையில் கடலட்டை பிடியில் ஈடுபட்டதாகக்கூறி கைதுசெய்யும் சம்பவங்கள் இடம்பெறுகின்றன. இதனால் மீனவர்கள் பாதிக்கப்படுகின்றனர்.

எனவே கடலட்டை பிடியில் ஈடுபட விரும்பம் உள்ளவர்கள் திணைக்களத்தின் ஊடாக விண்ணப்பம் செய்து உரிய அனுமதியை பெற்றுக்கொள்ள முடியும் என அவர் மேலும் கூறினார்.