கடலட்டை பிடித்தவருக்கு அபராதம்

-செல்வநாயகம் கபிலன்

அனுமதிபத்திரம் இன்றி மண்டைதீவுக்கடற்பரப்பில் 8 கடலட்டைகளைப் பிடித்த குருநகர் பகுதியினைச் சேர்ந்த மீனவருக்கு, 12 ஆயிரத்து 500 ரூபாய் அபராதம் விதித்து ஊர்காவற்துறை நீதவான் நீதிமன்ற நீதவான் ஏ.எம்.எம்.றியால், இன்று புதன்கிழமை (19) தீர்ப்பளித்தார்.

மண்டைதீவுக் கடற்பரப்பினுள் சட்டவிரோதமான முறையில் கடலட்டை பிடித்த மேற்படி குருநகர் பகுதியினைச் சேர்ந்த மீனவரை, கடற்படையினர் பிடித்து, நேற்றுச் செவ்வாய்க்கிழமை (18) கடற்றொழில் நீரியல்வளத்துறை அதிகாரிகளிடம் ஒப்படைத்திருந்தனர்.

அவரை நீதிவான் ஏ.எம்.எம்.றியால் முன்னிலையில் முற்படுத்திய போது அவர் தனது குற்றத்தினை ஏற்றுக்கொண்டார்.