கரவெட்டி வர்த்தக நிலையத்தில் கொள்ளை

-செல்வநாயகம் கபிலன்

கரவெட்டி, தெற்குப் பகுதியிலுள்ள வர்த்தக நிலையத்தை நேற்று வியாழக்கிழமை (07) அதிகாலை உடைத்து அங்கிருந்த 40 ஆயிரம் ரூபாய் பெறுமதியான பொருட்கள் மற்றும் 4 ஆயிரம் ரூபாய் பணம் ஆகியன கொள்ளையிடப்பட்டுள்ளதாக நெல்லியடிப் பொலிஸ் நிலையத்தில் முறைப்பாடு பதிவு செய்யப்பட்டுள்ளது.

கடையைப் பூட்டிவிட்டு காலையில் வந்து பார்த்தபோது, கடை உடைக்கப்பட்டிருந்ததாக உரிமையாளர் தனது முறைப்பாட்டில் கூறியுள்ளார்.

முறைப்பாட்டின் பிரகாரம், மேலதிக விசாரணைகளைப் பொலிஸார் மேற்கொண்டு வருகின்றனர்.