கலாசார அதிகார சபையின் அங்குரார்ப்பண நிகழ்வு

-எம்.எல்.லாபீர்

யாழ்ப்பாணம் பிரதேச செயலக கலாசார அதிகார சபையின் அங்குரார்ப்பண நிகழ்வு, யாழ்ப்பாணம் பிரதேச செயலாளர் சுகுணவதி தெய்வேந்திரம் தலைமையில் பிரதேச செயலக மாநாட்டு மண்டபத்தில் வியாழக்கிழமை (10) நடைபெற்றது.

கலாசார அதிகார சபையின் தலைவராக பிரதேச செயலரும் செயலாளராக தி.ம.நெல்சனும், பொருளாளராக போல் கலிஸ்ரனும், பிரதித்தலைவராக இரா.செல்வடிவேலும், பிரதிச் செயலாளர் கு.இராயப்பு ஆகியோரும் தெரிவு செய்யப்பட்டனர்.

பிரதேச செயலகத்துக்குட்பட்ட 28 கிராம அலுவலர் பிரிவுகளிலும் 28 உறுப்பினர்களும், மதத்தலைவர்கள் மூவரும் சகல கலாசார செயற்பாடுகளுக்கும் பொறுப்பாக செயற்படவுள்ளனர்.

ஒவ்வொரு கிராம அலுவலர் பிரிவிலும் சமய, கலாசார விழுமியங்களையும் முன்னைய கலை, கலாசாரங்களையும் உணவு வகைகளின் தயாரிப்புக்களையும் முன்னெடுப்புக்களையும் மேம்படுத்தும் பணியில் இந்தக் குழு ஈடுபடவுள்ளது.