கோட்டா விஜயம்; யாழ்ப்பாணம், வவுனியாவில் பாதுகாப்பு அதிகரிப்பு

-க. அகரன், என்.வினோத்

ஸ்ரீ லங்கா பொதுஜன பெரமுனவின் ஜனாதிபதி வேட்பாளர் கோட்டாபய ராஜபக்ஷ, தேர்தல் பிரசார நடவடிக்கைகளுக்காக வவுனியாவுக்கு இன்று (28) வருகைதந்த நிலையில்,  பாதுகாப்பு அதிகரிக்கப்பட்டுள்ளது.

வவுனியா, வைரவபுளியங்குளம் சிறுவர் பூங்காவில் பிரசாரக்கூட்டம் இடம்பெற்றிருந்தது. இதன்போது, நகர்ப்பகுதியெங்கும் இராணுவத்தினர் பாதுகாப்பு வழங்கியிருந்ததுடன் பொலிஸாரும் கடமையில் ஈடுபடுத்தப்பட்டிருந்தனர்.

இதேவேளை, யாழ் வீதி - மன்னார் வீதி உட்பட நகருக்குள் நுழையும் பகுதிகளிலும் பாதுகாப்பு தடைகள் போடப்பட்டு வாகனங்கள் சோதனைக்குட்படுத்தப்பட்டன.

இதேவேளை, பிரச்சார நடவடிக்கைகளுக்காக யாழ்ப்பாணம் வரும் மஹிந்த ராஜபக்ஷ மற்றும் கோட்டாபாய ராஜபக்ஷவுக்கு பொலிஸ் மற்றும் இராணுவத்தின் அதியுச்ச பாதுகாப்பு வழங்கப்பட்டிருக்கின்றது. 

யாழ். மாவட்ட செயலகத்துக்கு  அருகில் பிரசார நடவடிக்கைக்காக இன்று மதியம் மஹிந்த ராஜபக்ஷ மற்றும் கோட்டாபாய ராஜபக்ஷ  ஆகியோர் யாழ்ப்பாணம் வருகைதரவுள்ளனா்.

இதற்காக யாழ். நகாில் ஆயுதங்களுடன் இராணுவத்தினா் வீதிகளில் பாதுகாப்பு கட மையில் ஈடுபட்டிருப்பதுடன், பொலிஸாரும் உச்ச பாதுகாப்பை வழங்கியிருக்கின்றனா்.