சிறுமியின் தங்கச் சங்கிலி அபகரிப்பு

சொர்ணகுமார் சொரூபன்

யாழ். பற்றிக்ஸ் வீதியால் நடந்து சென்று கொண்டிருந்த 15 வயதுச் சிறுமியின் கழுத்திலிருந்த தங்கச் சங்கிலியை, மோட்டார்  சைக்கிளில் வந்த இனந்தெரியாத நபர்கள் அறுத்துச்சென்றுள்ளதாக யாழ். பொலிஸார் தெரிவித்தனர்.
இந்த சம்பவம் நேற்று செவ்வாய்க்கிழமை (15) இடம்பெற்றுள்ளது.

45 ஆயிரம் ரூபாய் பெறுமதியான தங்கச் சங்கிலியே இவ்வாறு அறுக்கப்பட்டுள்ளது. மோட்டார் சைக்கிளின் இலக்கத் தகடு துணி ஒன்றினால் மறைக்கப்பட்டிருந்ததாக சிறுமியின் உறவினர்களால் மேற்கொள்ளப்பட்டுள்ள முறைப்பாட்டில் குறிப்பிடப்பட்டுள்ளது.

இது தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.