சி.வி.யை சுதந்திரமாகச் செயற்பட விடக் கோரி உண்ணாவிரதம்

-சொர்ணகுமார் சொரூபன்

வடமாகாண முதலமைச்சர் சி.வி.விக்னேஸ்வரனைச் சுதந்திரமாகச் செயற்படுவதற்கு விடுமாறு கோரி கொடிகாமம் வரணிப் பகுதியைச் சேர்ந்த நாகேந்திரன் துசாந் என்ற தனிநபர் தந்தை செல்வா சதுக்கத்துக்கு முன்பாக இன்று வெள்ளிக்கிழமை உண்ணாவிரதப் போராட்டத்தை மேற்கொண்டுள்ளார்.

வடக்கு முதலமைச்சரை குறை கூறுவதற்கு செலவளிக்கும் நேரத்தை விடுத்து, மக்களுக்கு சேவை செய்வதற்கு அதனைச் செலவளிக்க வேண்டும் என அவர் கோரிக்கையை முன்வைத்துள்ளார்.

அத்துடன், அரசியல் கைதிகளின் விடுதலை தொடர்பில் கொடுத்த வாக்குறுதிகளை நிறைவேற்றாமல் ஏமாற்ற வேண்டாம் எனவும் அவர் கூறினார்.