தேடப்பட்ட மூவர் கைது

-எஸ்.நிதர்ஸன்

யாழ்ப்பாணத்தில் இடம்பெற்ற பல்வேறு கொள்ளை சம்பவங்களுடன் தொடர்புடைய குற்றச்சாட்டில், நீண்ட நாட்களாக பொலிஸாரால் தேடப்பட்டு வந்த மூவரை, யாழ்.பொலிஸ் நிலைய குற்றத் தடுப்பு பிரிவு பொலிஸார் கைது செய்துள்ளதாக உப பொலிஸ் பரிசோதகர் எஸ்.சிறிகஜன் தெரிவித்தார்.

யாழ். ஐந்து சந்தி மற்றும் குருநகர் ஆகிய பகுதிகளை சேர்ந்த மூன்று இளைஞர்களே கைதுசெய்யப்பட்டுள்ளனர்.
இவர்கள், இதுவரை சுமார் 80 இலட்சத்துக்கும் அதிகமான நகை மற்றும் பணம் என்பவற்றை கொள்ளையிட்டுள்ளதாக பொலிஸார் தெரிவிக்கின்றனர்.

கைதுசெய்யப்பட்ட இவர்களை நீதிமன்றில் ஆஜர்ப்படுத்த நடவடிக்கை எடுத்துள்ளதாக பொலிஸார் கூறினர்.