தாய்வீட்டுக்கு தனியாகச் சென்ற சிறுமி, மூதூரில் மீட்பு

செல்வநாயகம் கபிலன்

கொடிகாமம், பாலாவி வடக்கு வாகையடி பகுதியைச் சேர்ந்த சிறுமியான குணரத்தினம் சஞ்ஜீவினி (வயது 15) ஞாயிற்றுக்கிழமை (01) மதியம் காணாமல் போன நிலையில், திருகோணமலை மூதூர் பகுதியிலுள்ள பஸ் நிலையத்தில் அநாதரவான நிலையில் திங்கட்கிழமை (02)  மீட்கப்பட்டுள்ளார்.

குறித்த சிறுமி திருகோணமலை பொலிஸாரால் மீட்கப்பட்டுள்ளதாக கொடிகாமம் பொலிஸ் நிலைய பொறுப்பதிகாரி டி.எம்.சிந்திக்க என்.பண்டார தெரிவித்தார்.

மன்னாரில் உள்ள தயாரின் வீட்டுக்குச் செல்லும் நோக்கில் இவர், திருகோணமலைக்குச் செல்லும் பஸ்ஸில்; ஏறிச்சென்றுள்ளார்.

இந்நிலையில், மூதூர் பகுதியில் அநாதரவான நிலையில் சிறுமி ஒருவர் இருப்பதைக் கண்ட பொதுமக்கள், பொலிஸ் நிலையத்துக்கு தகவல் தெரிவித்துள்ளனர்.

இதனையடுத்து, பொலிஸாரால் மீட்கப்பட்ட குறித்த சிறுமியை அழைத்து வருவதற்கு நடவடிக்கை எடுத்துள்ளதாக பொறுப்பதிகாரி மேலும் கூறினார்.