தெற்கு ஊடகவியலாளர்கள் யாழை அடைந்தனர்

எம்.றொசாந்த்
'பனையோலையும் எழுத்தாணியும் ஒன்றாய் இணையும் நல்லிணக்கப் பயணம்' எனும் தொனிப் பொருளில் வெகுஜன ஊடக அமைச்சர் கஜந்த கருணாதிலக தலைமையில் தெற்கு ஊடகவியலாளர்கள, நேற்று சனிக்கிழமை (26) பகல் யாழ்ப்பாணத்தை அடைந்தனர்.

யாழ்.தேவி புகையிரத்ததில் புறப்பட்ட ஊடகவியலாளர்கள் குழு மாலை யாழ் புகையிரத நிலையத்தை வந்தடைந்தனர். அக்குழுவினரை யாழ். புகையிரத நிலையத்தில் வைத்து யாழ்.ஊடக அமையத்தினர் உள்ளிட்ட ஊடகவியலாளர்கள் குழு வரவேற்றனர்.

2 நாள் விஜயம் மேற்கொண்டு  யாழ்ப்பணத்துக்கு வருகை தந்துள்ள இக் குழுவினர், யாழில் நடைபெறும் பல்வேறு நிகழ்வுகளிலும்; கலந்துகொள்ளவுள்ளனர்.

பிரதிமைச்சர் கருணாரத்ன பரணவிதான, ஊடக அமைப்புக்களின் பிரதிநிதிகள் மற்றும் தென்னிலங்கை ஊடகவியலாளர்கள் என 200 பேர் இக்குழுவில் உள்ளடங்குகின்றனர்.

யாழ்ப்பாணத்தை வந்தடைந்த ஊடக அமைச்சருக்கு, ஊடக அமையத்தினரால் ஐந்தடி உயர எழுதுகோல்  கையளிக்கப்பட்டமை குறிப்பிடத்தக்கது.