தர்மம் வழங்காதவர்களுக்கு தகாத வார்த்தை

குணசேகரன் சுரேன்

12 வயது சிறுமியொருவருக்கு கண்ணில் சத்திர சிகிச்சையொன்றை மேற்கொள்வதற்கான வீடு வீடாகச் சென்று நிதிச் சேகரிப்பில் ஈடுபட்டிருந்த நபரொருவர், நிதியுதவி வழங்காதோரை தகாத வார்த்தைகளால் ஏசிய சம்பவமொன்று யாழ்ப்பாணம் நகரப் பகுதியில் வியாழக்கிழமை (27) இடம்பெற்றது.  

சிறுமியொருவர் தொடர்பான விபரங்கள் அடங்கியப் பதிவொன்றுடன் வீடு வீடாக நிதிச் சேகரிப்பில் ஈடுபட்டிருந்த மேற்படி நபர், பணம் கொடுக்காதவர்களை ஏசியதுடன், 50 ரூபாய்க்கு குறைவாக பணம் கொடுப்பவர்களையும் அதிக பணம் தருமாறு நச்சரித்துள்ளார்.

மதுபோதையில் வந்தே மேற்படி நபர் நிதிச் சேகரிப்பில் ஈடபட்டதாகவும் குறித்த சிறுமியின் சத்திர சிகிச்சை தொடர்பான எந்தவொரு ஆவணமும் அவரிடம் இருக்கவில்லை என்றும் அவர் மீதான குற்றச்சாட்டுக்களை முன்வைத்த பொதுமக்கள் கூறுகின்றனர்.