நீதிமன்ற காப்பகத்தில் திருடப்பட்ட சான்றுகள் காண்பிக்கப்பட்டன

சுப்பிரமணியம் பாஸ்கரன்

கிளிநொச்சி நீதவான் நீதிமன்ற சான்றுப்பொருள் காப்பகத்தினை கடந்த ஞாயிற்றுக்கிழமை (20) உடைத்து, அங்கு சான்றுப் பொருளாக வைக்கப்பட்டிருந்த கஞ்சாவை திருடிய சம்பவத்தில் கைப்பற்றப்பட்ட 7 கிலோகிராம் கஞ்சா பொதி மற்றும் திருட்டுக்காக பயன்படுத்தப்பட்ட கோடரி உள்ளிட்ட பொருட்களை கிளிநொச்சி பொலிஸார், ஊடகங்களுக்கு புதன்கிழமை (23) காண்பித்தனர்.

குறித்த சம்பவம் தொடர்பில் விரிவான விசாரணைகளை நடத்திய கிளிநொச்சி பொலிஸார், சந்தேகநபர் ஒருவரை கைது செய்ததுடன்,  கிளிநொச்சி நீதவான் நீதிமன்றத்தில் ஆஜர்ப்படுத்திய போது, அவரை 27ஆம் திகதி வரை பொலிஸ் காவலில் வைத்து விசாரணை செய்ய கிளிநொச்சி நீதவான் நீதிமன்ற நீதவான், செவ்வாய்க்கிழமை (22) அனுமதி வழங்கினார்.

அத்துடன், இச்சம்பவம் தொடர்பில் மேலும் இரு சந்தேகநபர்களை வவுனியாவில வைத்து, வவுனியா பொலிஸார் கைது செய்துள்ளனர்.