நெல்சிப் ஊழல் விவகாரம்: நிதிக் குற்றமோசடி பிரிவிடம் விசாரணை அறிக்கை

எம்.றொசாந்த்

வடக்கில் நடைபெற்ற நெல்சிப் ஊழல் தொடர்பான விசாரணை அறிக்கையை, நிதிக் குற்றமோசடி பிரிவிடம் கையளிக்க போவதாக வடமாகாண சபையில் தீர்மானிக்கப்பட்டுள்ளது.

வடமாகாண சபையின் மாதாந்த அமர்வு செவ்வாய்க்கிழமை (08) இடம்பெற்ற போதே, குறித்தத் தீர்மானம் எடுக்கப்பட்டது. இதன்போது வடமாகாண நெல்சிப் திட்டத்தில் நடைபெற்ற ஊழல் தொடர்பில் மாகாண சபையினால் உருவாக்கப்பட்ட விசாரணை குழு, தனது விசாரணை அறிக்கையை சபையில் கையளித்தது.

வடமாகாணத்தில் கடந்த 2010 தொடக்கம் 2014 வரையில் முன்னெடுக்கப்பட்ட நெல்சிப் திட்டத்தில் பல இலட்சம் ரூபாய் மோசடி செய்யப்பட்டது. அது தொடர்பில் விசாரணைகள் முன்னெடுக்க என வடமாகாண சபையினால் குழு அமைக்கபட்டது. அக்குழுவே இன்றைய தினம் விசாரணை அறிக்கையை சமர்ப்பித்தது.