நடமாடும் சாரய வியாபாரி கைது

செல்வநாயகம் கபிலன்

யாழ்ப்பாணம் முனிஸ்வரன் வீதிப்பகுதியில், சைக்கிளில் மதுபான போத்தல்களை எடுத்துச் சென்று விற்பனை செய்து வந்த நபரை, வியாழக்கிழமை (03) அதிகாலை கைது செய்துள்ளதாக யாழ்ப்பாணம் பொலிஸார் தெரிவித்தனர்.

இவ்வாறு கைதானவர் அல்லைப்பிட்டி பகுதியினை சேர்ந்த 61 வயதுடைய நபர் என பொலிஸார் மேலும் கூறினர்.

சிவில் உடையில் சென்ற பொலிஸார், தாமும் சாரயம் வாங்குவது போல் பாவனை செய்து சந்தேகநபரை கைது செய்ததுடன், அவரிடம் இருந்து 750 மில்லிலீற்றர் கொள்ளளவு கொண்ட 05 மதுபான போத்தல்களை பறிமுதல் செய்துள்ளனர்.