புங்குடுதீவு மாணவி படுகொலை: சந்தேகநபர்களின் விளக்கமறியல் நீடிப்பு

-எம்.றொசாந்த்

புங்குடுதீவு மாணவி சிவலோகநாதன் வித்தியாவின் கொலை வழக்கின் சந்தேகநபர்களை, எதிர்வரும் நவம்பர் மாதம் 1 ஆம் திகதி வரையில் விளக்கமறியலில் வைக்குமாறு ஊர்காவற்றுறை நீதவான் நீதிமன்ற நீதவான் ஏ.எம்.எம்.றியால், இன்று செவ்வாய்க்கிழமை (18) உத்தரவிட்டார்.

இந்த வழக்கு இன்று செவ்வாய்க்கிழமை (18) ஊர்காவற்றுறை நீதிமன்றத்தில் விசாரணைக்கு எடுத்துக்கொள்ளப்பட்டது. இதன்போது, 12 சந்தேகநபர்களும் ஆஜர்ப்படுத்தப்பட்டனர். இதன்போதே, சந்தேகநபர்களை விளக்கமறியலில் வைக்குமாறு நீதவான் உத்தரவிட்டார்.