பாடசாலைக்கான காணி கொள்வனவுக்கு பணம் வழங்கப்படவில்லை

நடராசா கிருஸ்ணகுமார்

முல்லைத்தீவில், இரண்டு பாடசாலைகளுக்காக கொள்முதல் செய்ய திட்டமிடப்பட்டுள்ள காணிக்கான நிதியானது, கல்வி அமைச்சிடமிருந்து கிடைக்கவில்லையென கரைதுறைபற்று பிரதேச செயலாளர் எஸ்.திரேஸ்குமார் நேற்று வியாழக்கிழமை (28) தெரிவித்தார்.

முல்லைத்தீவு மகா வித்தியாலயம், அளம்பில் வித்தியாசாலை ஆகியவற்றுக்கான காணிகள் கொள்முதல் செய்ய தயாராகவுள்ள நிலையில், அதற்கான பணம் வழங்கப்படவில்லை.

இது தொடர்பில் வடமாகாண முதலமைச்சர் சி.வி.விக்னேஸ்வரன் மற்றும் கைத்தொழில் அமைச்சர் ரிஷாத் பதியுதீன் ஆகியோரிடம் எடுத்துக்கூறியுள்ளதாகவும் அவர் மேலும் கூறினார்.