பாடசாலை சேவையில் ஈடுபடும் வாகனங்களை பதிவு செய்ய வேண்டும்

யாழ். மாவட்டத்தில் பாடசாலை சேவையில் ஈடுபடும் அனைத்து வாகனங்களையும் 1998ஆம் ஆண்டு 50ஆம் இலக்க தேசிய சிறுவர் பாதுகாப்பு அதிகார சபையின் சட்ட சரத்துக்கு அமைவாக பதிவு செய்வதற்கு நடவடிக்கை எடுக்கப்பட்டுள்ளது என யாழ். மாவட்டச் செயலாளர் நாகலிங்கன் வேதநாயகம் தெரிவித்துள்ளார்.

எனவே, மாவட்ட செயலக மோட்டார் போக்குவரத்துக் கிளையில் எதிர்வரும் நவம்பர் மாதம் 04ஆம் திகதி காலை 9.30 மணிக்கு பாடசாலை சேவையில் ஈடுபடும் வாகனங்களின் உரிமையாளர்கள் வாகன பதிவு புத்தகம், தேசிய அடையாள அட்டை (உரிமையாளர், சாரதி, நடத்துனர்), சாரதி அனுமதிப்பத்திரம் (சாரதிக்கு மட்டும்), காப்புறுதிப் பத்திரம் மற்றும் வரிப்பத்திரம் ஆகிய ஆவணங்களுடன் சமூகமளித்து தமது வாகனங்களைப் பதிவு செய்ய வேண்டும்.

பதிவுக்குட்படுத்தாத வாகனங்கள் தொடர்பில் சட்ட நடவடிக்கை எடுக்கப்படும் என யாழ். மாவட்டச் செயலாளர் மேலும் தெரிவித்தார்.