பெண்களுக்கு தற்பாதுகாப்பு பயிற்சி நெறி

-காயத்திரி விக்கினேஸ்வரன்

யாழ்ப்பாணம் மாவட்டச் செயலகம் மற்றும் வசந்தம் விசன் ட்ரஸ்ட் அமைப்பும் இணைந்து யாழ். மாவட்டத்தில் கிராம மட்ட பெண்கள் மற்றும் பெண்கள் அபிவிருத்தி உத்தியோகத்தர்களுக்கான தற்பாதுகாப்பு பயிற்சிநெறியை, புதன்கிழமை (02) காலை 8.30 மணிக்கு யாழ். கன்னாதிட்டி காளி கோவில் மண்டபத்தில் ஏற்பாடுசெய்திருந்தன.

குறித்த பயிற்சி நெறிக்காக, சிங்கப்பூரில் இருந்து பயிற்றுவிப்பாளர்கள் வரவழைக்கபட்டுள்ளதுடன் பயிற்சி நெறிகள், தொடர்ந்து மூன்று நாட்களுக்கு நாளை வரை நடைபெறுகின்றது.

இப்பயிற்சி நெறிக்கு, பிரதேச செயலகங்களிலிருந்து மகளிர் அபிவிருத்தி உத்தியோகஸ்தர்கள் மற்றும் கிராமமட்ட பொது அமைப்புக்களில் இருந்து பெண் அங்கத்தவர்கள் உள்ளிட்ட பலர் கலந்து கொண்டுள்ளனர்.