புதுக்குடியிருப்பு பிரதேச சபைக்கு நிதி ஒதுக்கீடு

-சுப்பிரமணியம் பாஸ்கரன்

வடக்கு மாகாண  சபையினால் நெல்சீப் திட்டத்தின் ஊடாக புதுக்குடியிருப்பு பிரதேசத்துக்குட்பட்ட பகுதிகளில் வேலைத்திட்டங்களை முன்னெடுப்பதற்காக 10 மில்லியன் ரூபாய் நிதி ஒதுக்கீடு செய்யப்பட்டுள்ளதாக புதுக்குடியிருப்பு பிரதேச சபை தகவல்கள் தெரிவிக்கின்றன.

புதுக்குடியிருப்பு பிரதேச சபையின் கீழுள்ள புதுக்குடியிருப்பு சந்தை வளாகத்தில் நீர்த்தாங்கியொன்று அமைப்பதற்கும் சந்தை உள்ளக வீதியை புனரமைப்பதற்காகவும் மூங்கிலாறு கிராமத்திலுள்ள திலீபன் வீதியை புனரமைப்பு செய்வதற்கும்  இந்நிதியொதுக்கீடு செய்யப்பட்டுள்ளது.

மேற்படி வேலைகள் அனைத்தும் எதிர்வரும் மே மாதமளவில் ஆரம்பிக்கப்பட்டு எதிர்வரும் ஓகஸ்ட் மாதமளவில் நிறைவு பெறுமென புதுக்குடியிருப்பு பிரதேச சபை தகவல்கள் தெரிவிக்கின்றன.