புதிய செயலாளர் நியமனம்

-எஸ்.றொசேரியன் லெம்பேட்

மன்னார் பிரதேச சபையின் புதிய செயலாளராக யாழ்ப்பாணம், வரணியைச் சேர்ந்த இராசையா தயாபரன் நியமிக்கப்பட்டுள்ளார்.

இவர், தனது கடமைகளை திங்கட்கிழமை(11) பொறுப்பேற்றுக் கொண்டார்.

கடந்த 17 வருடங்கள் அரச சேவை அனுபவத்தை கொண்ட இவர்  பிராந்திய சுகாதார சேவைகள் அலுவலகம், பிரதி விவசாயப் பணிப்பாளர்(விரிவாக்கம்) அலுவலகம், வலயக்கல்வி அலுவலகம் என்பவற்றில் கடமையாற்றியுள்ளதுடன், கிளிநொச்சி, யாழ்ப்பாணம், வவுனியா என பல மாவட்டங்களிலும் கடமையாற்றியுள்ளார்.

இதேவேளை, முகாமைத்துவ உதவியாளர் சேவையின் தரம்  1 , 2 என பதவி உயர்வு பெற்ற இவர், அண்மையில் நடைபெற்ற முகாமைத்தவ உதவியாளர் சேவையின் அதி சிறப்பு தரத்துக்கு பதவி உயர்வு பெற்றதன் காரணமாக வட மாகாண சபையால் மன்னார் பிரதேச சபையின் செயலாளராக நியமிக்கப்பட்டுள்ளமை குறிப்பிடத்தக்கது.