புனர்வாழ்வு அதிகார சபையின் நேர்முகத்தேர்வுகள்

புனர்வாழ்வு அதிகார சபையின் வீடமைப்பு கடன் மற்றும் சுயதொழில் முயற்சிகளுக்கான கடன் ஆகியவற்றை வழங்குதல் தொடர்பிலான நேர்முகத்தேர்வுகள், யாழ்.மாவட்டச் செயலகத்தில் நாளை 31ஆம் திகதி சனிக்கிழமை நடைபெறவுள்ளன. 

சுமார் 75 பயனாளிகள் கலந்துகொள்ளவுள்ள இந்த நேர்முகத்தேர்வுகளில் வீடமைப்புக் கடன் சம்பந்தமான நேர்முகத்தேர்வு, காலை 09.00 மணிக்கும் சுயதொழில் சம்பந்தமான நேர்முகத்தேர்வு, காலை 11.00 மணிக்கும் ஆரம்பமாகவுள்ளன.

புனர்வாழ்வு அதிகார சபையின் தலைவர், செயற்பாட்டுப் பணிப்பாளர், பிரதிப்பணிப்பாளர்கள், யாழ். மாவட்டச் செயலாளர், திட்டமிடல் பணிப்பாளர் ஆகியோர் இதில் கலந்துகொள்ளவுள்ளனர்.