பாலைதீவு அந்தோனியார் ஆலய திருவிழா ஏற்பாடுகள்

-சுப்பிரமணியம் பாஸ்கரன்

கிளிநொச்சி, பூநகரி பிரதேச செயலாளர் பிரிவில் அமைந்துள்ள பாலைதீவு அந்தோனியார் ஆலய திருவிழாவுக்கான ஏற்பாடுகள் செய்யப்பட்டு வருவதாக கிளிநொச்சி மாவட்டச் செயலாளர் சுந்தரம் அருமைநாயகம் திங்கட்கிழமை (15) தெரிவித்தார்.

இது குறித்து அவர் மேலும் கூறுகையில்,

மேற்படி ஆலயத்தின் திருவிழா எதிர்வரும் 28ஆம் திகதி நடைபெறவுள்ளது. கடந்த முறை சுமார் 1,000 பேர் திருவிழாவுக்கு வருகை தந்தனர்.

ஆனால், இம்முறை அதனைவிட அதிகமானவர்கள் வருகை தருவார்கள் என்று எதிர்பார்க்கப்படுகின்றது.

வருகை தரும் மக்களுக்கான குடிநீர், மலசலகூட வசதிகள் என்பன மாவட்டச் செயலகம் ஊடாக மேற்கொள்ளப்படுகின்றது.

மேலும்,படகுப் போக்குவரத்துச் சேவையில் கடற்படையினர் மற்றும் மீனவர்கள் ஈடுபடவுள்ளனர் என்றார்.