புல்லு வெட்டச் சென்றவர் சடலமாக மீட்பு

மூளாய் சுழிபுரம் பகுதியிலுள்ள வயலில், புல்லு வெட்டுவதற்குச் வியாழக்கிழமை (15) மாலை சென்றவர், வயல் கிணற்றிலிருந்து, வெள்ளிக்கிழமை (16) காலையில் சடலமாக மீட்கப்பட்டுள்ளதாக வட்டுக்கோட்டைப் பொலிஸார் தெரிவித்தனர்.

அதேயிடத்தைச் சேர்ந்த ஆழ்வார் பாலகிருஸ்ணன் (வயது 68) என்பவரே இவ்வாறு சடலாமாக மீட்கப்பட்டார்.

மாட்டுக்குப் புல் வெட்டச் சென்றவர், தவறிக் கிணற்றுக்குள் வீழ்ந்துள்ளதாக தெரிவிக்கப்படுகின்றது.  சடலம், யாழ்ப்பாணம் போதனா வைத்தியசாலையில் வைக்கப்பட்டுள்ளது. 

மேலதிக விசாரணைகளை வட்டுக்கோட்டை பொலிஸார் மேற்கொண்டு வருகின்றனர்.