பசுமாட்டை திருடி இறைச்சியாக்கிய இருவர் கைது

-செல்வநாயகம் கபிலன்

யாழ்ப்பாணம், மடம்றோட் பகுதியில் உள்ள வீடொன்றில் சட்டவிரோதமான முறையில் திருடிய பசுமாட்டை, இறைச்சியாக்கிய இருவரை, இன்று ஞாயிற்றுக்கிழமை (06) கைது செய்துள்ளதாக யாழ்ப்பாணம் பொலிஸார் தெரிவித்தனர்.

இவ்வாறு கைது செய்யப்பட்டவர்கள் அதே பகுதியினைச் சேர்ந்தவர்கள் என பொலிஸார் கூறினர்.

பொலிஸாருக்கு கிடைத்த இரகசிய தகவலை அடுத்து குறித்த பகுதிக்கு சென்ற பொலிஸார், இருவரையும் கைது செய்ததுடன், 75 கிலோகிராம் இறைச்சியினையும் மீட்டிருந்தனர். 

கைதான இருவருக்கும் எதிராக யாழ்ப்பாணம் நீதிமன்றில் வழக்கு தாக்கல் செய்ய நடவடிக்கை எடுக்கப்பட்டுள்ளதுடன், கைப்பற்றப்பட்ட இறைச்சியினை நீதிமன்ற உத்தரவு பெற்று எரியூட்டவுள்ளதாக பொலிஸார் மேலும் கூறினர்.