பட்டப்பகலில் வீட்டை உடைத்த இளைஞன் மடக்கி பிடிப்பு

-செல்வநாயகம் கபிலன்

வழிப்பறி, கொள்ளைச்சம்பவங்களுடன் தொடர்புடைய இளைஞனை கட்டப்பிராய் பகுதியில் வைத்து பொதுமக்கள் மடக்கி பிடித்து கோப்பாய் பொலிஸ் நிலையத்தில் ஒப்படைத்த சம்பவமொன்று திங்கட்கிழமை(01) இடம்பெற்றுள்ளது.

புன்னாலைக்கட்டுவன் பகுதியைச் சேர்ந்த 25 வயது நிரம்பிய இளைஞனே இவ்வாறு பொலிஸ் நிலையத்தில் ஒப்படைக்கப்பட்டுள்ளதாக பொலிஸார் தெரிவித்தனர்.

இலக்கத்தகடு அற்ற மோட்டார் சைக்கிளில் வந்த இருவர், அப் பகுதியிலுள்ள வீடொன்றை உடைத்து திருட முற்பட்டுள்ளனர். இதனை அவதானித்த அயல் வீட்டு பெண், அபாயக்குரல் எழுப்பியதையடுத்து, அங்கு  ஒன்று கூடிய இளைஞர்கள், குறித்த இளைஞனை மடக்கிப் பிடித்துள்ளனர்.

மற்றையவர் தப்பிச் சென்றுள்ளார்.

மேலதிக விசாரணைகளை பொலிஸார் மேற்கொண்டு வருகின்றனர்.