பதுங்கு குழிகளும் வெடிபொருட்களும் அகற்றப்படவில்லை

-சொர்ணகுமார் சொரூபன்

வலிகாமம் வடக்கில் கடந்த டிசெம்பர் மாதம் 29ஆம் திகதி விடுவிக்கப்பட்ட காணிகளில் இராணுவத்தினரின் பதுங்கு குழிகளும் வெடிபொருட்களும் காணப்படுவதால் தமது காணிகளுக்கு செல்வதற்கு அப்பகுதி மக்கள் அச்சமடைந்துள்ளனர்.

இராணுவத்தினர் இங்கிருந்து வெளியேறிச் சென்றபோது, தாங்கள் அமைத்த பதுங்கு குழிகளை அப்படியே விட்டுச் சென்றுள்ளனர்.

மேலும் சில இடங்களில் கண்ணிவெடி, மிதிவெடி அபாயம் காணப்படுவதாக அடையாளப்படுத்திவிட்டும் சென்றுள்ளனர்.

இதனால் தங்கள் காணிகளை துப்பரவு செய்வதற்கு அச்சப்படும் அப்பகுதி மக்கள், இது தொடர்பில் கவனம் செலுத்துமாறு பிரதேச செயலாளரிடம் கோரிக்கை விடுத்துள்ளளனர்.