பஸ்ஸுடன் மோட்டார் சைக்கிள் மோதியதில் கிராமசேவையாளர் படுகாயம்

செல்வநாயகம் கபிலன்

கிராமசேவையாளர் செலுத்திச் சென்ற மோட்டார் சைக்கிள், வேகக்கட்டுப்பாட்டை இழந்து வீதியில் நின்ற இ.போ.ச பஸ்ஸுடன் மோதி, எதிரே வந்த முச்சக்கரவண்டியுடனும் மோதி விபத்துக்குள்ளானது என அச்சுவேலி பொலிஸார் தெரிவித்தனர்.

இச் சம்பவம் வெள்ளிக்கிழமை (04) சந்நிதி வீதி பத்தமேனி பகுதியில் இடம்பெற்றுள்ளது.

இவ் சம்பவத்தில் வளலாய் வடக்கு பகுதி கிராமசேவையாளரான எஸ்.சாந்தரூபன் (வயது 50) என்ற உத்தியோகத்தரே பலத்த காயங்களுக்கு உள்ளான நிலையில் யாழ். போதனா வைத்தியசாலையில் அனுமதிக்கப்பட்டுள்ளார்.

சம்பவத்துடன் தொடர்புடைய பஸ் மற்றும் முச்சக்கரவண்டியினை பொலிஸார் தடுத்து வைத்துள்ளதுடன் மேலதிக விசாரணைகளை மேற்கொண்டு வருகின்றனர்.