மேட்டுப்பயிர்ச் செய்கை செய்ய குழாய்க் கிணறுகள் வேண்டும்

நடராசா கிருஸ்ணகுமார்

கிளிநொச்சி, பூநகரி ஜெயபுரம் கிராமத்தில் மேட்டுப் பயிர்ச் செய்கையில் ஈடுபடக்கூடிய வகையில் குழாய்க் கிணறுகளை அமைத்துத்தருமாறு ஜெயபுரம் கிராம அபிவிருத்திச் சங்கம் பூநகரிப் பிரதேச செயலரிடம் மனுவொன்றை கையளித்துள்ளது.
1983ஆம் ஆண்டு உருவாக்கப்பட்ட ஜெயபுரம் கிராமத்தில் தற்போது 450 வரையான குடும்பங்கள் வசித்து வருகின்றன.

இக்குடும்பங்களுக்கென ஒதுக்கப்பட்ட 526 ஏக்கர் வயல் நிலம் இதுவரை பகிர்ந்தளிக்கப்படாமல் உள்ளது. இந்நிலையில் வாழ்வாதார நெருக்கடியை எதிர்கொண்டுள்ள இக்கிராம மக்கள் மேட்டுப் பயிர்ச்செய்கையில் ஈடுபடக்கூடிய வகையில் குழாய்க் கிணறுகளை அமைத்துத்தருமாறு வேண்டுகோள் விடுத்துள்ளனர்.