மோதலில் ஈடுபட்டவர்களுக்கு விளக்கமறியல்

-செல்வநாயகம் கபிலன்

ஊர்காவற்றுறை கரம்பன் பகுதியில் கைகலப்பில் ஈடுபட்ட 35, 30 வயதுடைய இருவரையும் எதிர்வரும் 11ஆம் திகதி வரை விளக்கமறியலில் வைக்குமாறு ஊர்காவற்துறை நீதிமன்ற பதில் நீதவான் ஆர்.சபேசன், வெள்ளிக்கிழமை (04) உத்தரவிட்டார்.

தும்பாட்டி கடலில் மீன்பிடியில் ஈடுபடும் கரம்பன் பகுதியினை சேர்ந்த இருசாரருக்கு கடற்ரையில் படகு நிறுத்தி வைப்பது தொடர்பில் கருத்து முரண்பாடுகள் இடம்பெற்று வந்துள்ளன. இதன் தொடர்ச்சியாகவே இவர்கள் கைகலப்பில் ஈடுபட்டுள்ளனர்.

இச் சம்பவத்தில் ஒருவர் படுகாயங்களுக்கு உள்ளாகி யாழ். போதனா அனுமதிக்கப்பட்டுள்ளார்.

சம்பவம் தொடர்பில் விசாரணைகளை முன்னெடுத்த ஊர்காவற்துறை பொலிஸார் இரு தரப்பிலும் இருந்து இருவரை சந்தேகத்தில் கைது செய்திருந்தனர்.

தொடர்ந்து ஊர்காவற்துறை நீதிமன்றில் ஆஜர்படுத்திய போது பதில் நீதவான் விளக்கமறியலில் வைக்க உத்தரவிட்டார்.