முறையற்ற வழித்தடம் இன்றி சேவையில் ஈடுபட்ட பஸ் தடுத்து வைப்பு

-செல்வநாயகம் கபிலன்

சுற்றுலா சேவையில் ஈடுபடுவதற்குரிய வழித்தட அனுமதியை பெற்று கொழும்பு-யாழ்ப்பாணம் பஸ் சேவையில் ஈடுபட்ட தனியார் பஸ்ஸை பொலிஸ் நிலையத்தில் தடுத்து வைத்துள்ளதாக கொடிகாமம் பொலிஸார் தெரிவித்தனர்.

ஞாயிற்றுக்கிழமை (08) இரவு, கொடிகாமம் சந்திப்பகுதியில் குறித்த பஸ்ஸை பொலிஸார் சேதனையிட்ட போது, வழித்தட அனுமதி இன்றி கொழும்பு-யாழ்ப்பாணம் சேவையில் ஈடுபட்டமை கண்டுபிடிக்கப்பட்டது.

குறித்த பஸ் பாணந்துறை பகுதியைச் சேர்ந்த நபர் ஒருவருக்கு சொந்தமானது எனவும் அவர் சுற்றுலா சேவையில் ஈடுபடுவதற்கு வழி அனுமதியை பெற்று போக்குவரத்து சேவையில் ஈடுபட்டுள்ளார் எனவும் பொலிஸார் தெரிவித்தனர்.

பயணிகள் அனைவரும் வேறு ஒரு பஸ்ஸில் அனுப்பி வைக்கப்பட்ட பின்னர் பஸ், பொலிஸ் நிலையத்துக்கு எடுத்து வரப்பட்டு தடுத்து வைக்கப்பட்டுள்ளது.